O machja, un avemu bisognu di nimu, basta una webtv !

Oghje, cù e techniche nove di l'infurmatica, televisiò e ordinatore so listessa. A sapemu chi tutti i corsi un hannu l'Internet in casa soia, ma i giovanni l'hannu, in Corsica, in Pariggi, in altrò.

A me, mi piaccerebe di sente a Gil Grissom parlà u corsu !!!

Eu pensu sempre chi a Corsica a bisognu di una televisiò in lingua corsa, di a mane cù i pokemon sina la sera cù l'esperti di Miamì. Cusì pianu pianu ogni corsi, chjuci e maiò, sente parlà a so lingua, parole d'oghje, senza strazzia. Un ci vole tantu per vince ssa battaglia !

Ogni corsofonu si puderia dà un scopu : amparà u corsu à 3 persone, ch'elli sianu zitelli di a so famiglia o persone maiò ch'ùn anu amparatu o ghjunghjiticci...

Trè persone, basta.

Ma trasmetteli u corsu da veru, sin'à fà trè novi corsofoni.

Bella scummessa, `ùn hè?

EIU pensu ch'a lingua corsa un sara mai perzzu. i ghjovani di i paesi l'amparanu incu i veghji e i parenti in paesi. si perde piu in piaghja ch'in paesi perche in piaghja ci so i frusteri corsi ch'un voli micca s'integranu. oGhje a a scola prima i zitelli anparanu a parla corsi. incu i sforzi di a scola e di zitelli u corsu un si sfasara mai.

Un ti vulia micca inghjulià,altore,chi un so cusi!!annant'à u lessicu,è vera,si trovanu issi sensi,faticatu chi significà malatu,un l'avia mai intesu!à ringraziati di u to missagiu!

altore,salute à te!postu ch'ella ti piace a nostra lingua,sai,un si dice micca"faticata"!si dice"stanca"!"impurtanza" si dice "primura"!eccu,l'aghju fatta sapè!tanti saluti e femu tutt'ognunu un sforzu per a lingua e dinù per quand'ella s'impenna! basgii à tutti!

Altru chi a lingua corsa si n'he mora !
Pensu chi u prublemu veni di quali chi un parlenu piu corsi a i ziteddi.
U corsu, tuttu mondu u capisce nimu u parla, par esempiu quandu un veghju parla corsu ava si rispondi in francese.
He megliu a fa un sforsu e pruva di risponde in corsu cha risponde in francesu, he cusi ch'una lingua s'impara.
Di dipiu pensu chi u corsu debbe essa ublicatoriu a a scola.
Micca di fa classe bislingue chi un esiste mancu...
Comu si dice " un ci se populu senza a so lingua".
Aloru faccemu qualcosa di be: parlemu corsu .>

A mè mi pari chi a visioni d'u sgaiuffu hè veramenti nera è monda pessimista.
Oghji hè vera chi u cunstatu hè negativu mà tocc'à noi ad inversa a tindenza parlendu in corsu è campendu corsu. Ci voli a crià una sucità CORSA a tutti i nivedda : linguisticu è di i mentalità cù una presa di cuscenza cummuna ch'iddu ci voli a tena a noscia lingua è fà spannà u nosciu populu.

Pensu che la disparizione di à lingua corsa cumprumette l'avvene di à cultura corsa è dunque di una certa identita. Quessu hè dannu per tutti i abitanti di l'isula. ci vole si accampà à l'altura di so mezi per lottà contru sta situa

Eui pensu chè oghje a lingua corsa un hè micca in periculu ma pensu effettivamente chè l' elementu chi contribuisca à fà dispari un populu,hè a disparizione di a so lingua. Eppuru pensa chè a lingua corsa un hè piu parla cumu a u tempu di i nostri parenti. Pensa chè so i nostri parenti chi duve trasmette a lingua corsa a i so figlioli affinchè di priservà a nostra lingua.

s'ella cuntinueghja cusi u corsu un sera piu parlatu da qui a parechji anni ind'e u boziu cum'e in altro. perche un si po micca parla corsu ind'e l'atti di a vita esempiu a a posta, o ind'e i magazini ? ...
l'insee a munstratu chi a populazione in corsica cresce cu a ghjente in pruvenienza da u cuntinentu, elli un parlanu micca u corsu e di piu un volenu micca impara a lingua !
induve andemu ?!

Si noi cuntinuemu à diffonde a lingua nostrale cume lu si face oghje, si po ritardà sta scadenza mà assai cuntinentali venenu stalassi nantu a nostra isula, mà u pruvanu micca a contribuisce à a salvessa di a nostra lingua è di e nostre tradizione è pocu à pocu què pudiarà purtà à a sparizione di a lingua Corsa è di i Corsi. Per evità stu fatu,ci vole à truvà soluzione perchè à nostra giuventù abbanduna à so propria lingua.

Pensu chè l' elementu chi contribuisca à fà dispari un populu,hè a disparizione di a so lingua. Difattu a lingua hè l'identità di u populu mà dino permette di cumunicà dunque aduna un populu.Pensu chè i giovani anu a vergogna di parla corsu,què aggrava a situazione parqui sti giovani un parleranu micca a so zitelli in corsu.Mà ci vole stà ottimistu,difattu, a multiplicazione di scole bislingue da a speranza chè a generazione futura salvarà a lingua corsa, tandu u so populu dino.

hè bellu u futuru per i corsi è a lingua corsa, mà possu miccà fà qualcosa. I ghjovi parla miccà a lingua cun i parenti o cun amici per fà cumè i ghodi di cuntinentu o perch'elli cunosce miccà a lingua. A ghjovanesa corsa pensa ch'a lingua corsa hè miccà ben per elli, in so studi. Elli vogliu parlà inglese o italiano, miccà corsu, a scola.

Mi ricordu quandu eru ghjucu, a mo caccara parlavami corsu ma quandu i vechji morenu, a trasmissione di a lingua un hè micca fatta. Ghje ghjustu pe sta ragione che oghje e difficile di parla corsu

#22 hà ragiò ! Ci vole à amparà u corsu a a scola mà micca cum'oghje. Cù trè zitelli quì, duie quallà !
Ci vole a rende ubligatoriu a presenza a tutti i corsi di corsu, è micca accettà ch'è certi vene mai prechè un capisce nunda a a nostra lingua.
Un capia nunda a l'inglese in u cullegiu, eppuru u prufessore tenia a mo presenza in corsu.
Allora perchè hè pussibule cù u corsu ?

io so taliano , e rispetto a Corsica , a so lingua e le sue tradizioni ma se anco i Muvrini nelli loro cuncerti parlano a lingua francise ..... . No sento più parlà in corsu como li tempi passati.
A lingua è U populu , u poulo è a lingua ! E li fratelli corsi permettenu che la bella lingua corsa more.

U populu corsu no spari-isce mica ghjacchia lingua chi e a sua identita sera sempre parlata per u populu corsu i chi di feccia.

E allora???Era digià scritta a nantu u cartulare d'identita di i mio antenati ch'un sappianu mancu induvè era a francia.Per compiè, quandu parlava di pécure un pensava micca à i corsi,ma i raggio à nantu un puntu u Populu Corsu un serà maï DEGNU E LIBERU pigliendu l'usi pulitichi di a manca Frencese (puru di diritta).

O maghja un populu un si cuntà micca cume una banda di pécure.Qui parli d'ecunomia per fà un paese,eiu parlu d'identita (dùie cose tutalmente sfarènte),si per tè a solla soluzione ghjè piglià a carta d'identita, l'affare ghjè grave.un n'aghju micca bisognu d'un scartafàcciu in più per fà "patriottu".D'altronde un tòcca ni à tè, ni à nimu di dimi sò ch' aghju à pensà à di o à fà.

De profundis, trent'anni fa un si parlava di cumunità di distinu, ne di citadinita corsa, e se i corsi avianu seguitati i naziunalisti e cose sarianu sfarente oghje.
Un si ferma piu in Corsica che 90 000 "corsi di sangue" di e quale 60 % hanu piu di 60 anni, e tuttu ognunu, po capi senza esse un sapientonu, che un paese o una Nazione un si po fa ancu cusi poca ghjente.
U prublema vene da i corsi elli stessi, un ci hè piu a voglia d'esse indipidenti, di strappa a catena cu u statu francese,i ghjunghjiticci un impediscenu a nimu di parla corsu, so i corsi da per elli chi impieganu a lingua di u culunisatore.
E quessu ne i naziunalisti, ne i clandistini, ne a viulenza un la po para.
Invece di critica sempre a pulitica di tale o tale ,vai a piglia a to carta d'identita cume l'altri e rinforzà u muvimentu di liberazione.

Ùn sò tantu d'accordu cù altore è zeruffu. Hè vera chì i corsi di a "siconda generazione" (40-50 anni) sò pochi à avè imparà u corsu à i so figlioli, po eiu rimarcu un antr'affari, certi giovani chì sanu parlà ùn sò micca in u scopu chì l'altri parlanu cum'elli ma piuttostu di cunservassi a lingua per elli stessi!!!
Ma u veru prublema ùn si trova micca quì.. Quandu t'ai millaie è millaie parsone chì ghjunghjenu à stallassi ind'è noi tutti l'anni, chi à a televisione, in scola, in carrughju, in casa ùn si sente parlà chè francese (o altru), tutti i corsi, tutti, ancu i più diterminati, sò obligati di chjinassi davanti stu mostru chì si chjama a mundialisazione. Contra st'affare o ghjenti, ancu 200 000 corsi accaniti si piglieranu una frusta...

U mondu d'oghje hé un mondu induve tuttu mondu vole esse cume Americani... Pensu chi studià a nostra storia ghjé luttà, per a nostra lingua, a nostra cultura.

o machja u Mercoriu ùn hè Boziu... u Boziu parte da Sermanu è finisce in Sant'Andria. pè ciò chì tocca à a lingua ghjè vera chì a ghjunta massiva di populazione ùn l'aiuta micca ma i primi rispunsevuli sò i corsi elli stessi. anu abandunatu a so lingua è sè u statu frencese hà avutu a so rispunsabilità à un' epica, ùn hè più u casu oghje. parlu corsu à i mo figlioli, u capiscenu è u parlanu anch'elli è nimu ùn c'impedisce di parlà corsu ch'ella sia à a scola o in altrò. tocca à noi à move i primi ma ùn sentu micca ind'è u populu una brama maiò di difende a so lingua. ancu quelli chì serebbenu i più in punta di a lotta (i clandestini) tenenu e so cunferenze di stampa in frencese! parenu fole! un'antru prublema hè l'urbanisazione. i giovani corsi ùn voltanu più in paese, mancu u week end! l'anima corsa stà in paese. dunque più brama di lingua, più brama di paese, u populu corsu sente u cipressu in veru! cum'è M. jourdain chì fecia a prosa senza sapella i giovani corsi d'oghje sò frencesi senza vulella... fora di u pugnu chì stà in paese è chì parla sempre a lingua di i so antenati...

Dumandemuci chi permette che accadi cio chi ci sculpisce : so Corsi quelli chi a permettenu, so Corsi quelli chi permettenu chi a Corsica si morghi. Se murete, ghj'hè perchè elli, Corsi, a permettenu. Allora, avete da accetà di more pè falli piacè ?

U prublema un hè micca la Grande Nation, chi senza elli, ùn purria fà nulla: senza i so stuvigli, ùn purria fà nulla. U prublema, ghj'hè dunque elli, i stuvigli. Ogni volta ch'omu ci marchja annantu, so elli chi ci marchjanu annantu, pruffitendu di un specie d'impunità che l'avemu ricunnisciutu da poi l'iniziu. E qui ci semu sbagliati : se dumane a mo surella o u mo fratellu decide chi tutta a famiglia si deve suicidà, ùn i lascieraghju fà, è pertantu so di i mei. Ebbè ghj'hè ghjust'appuntu cio chi accade, à a scala macronomica, à a Corsica. Ci lascemu duminà da quelli chi bramanu a morte cullitiva. Forse, d'altro, u fattu d'upponesi sempre, in a retorica di u naziunalismu, à u Statu, vene da issu fattu prufondu : un vulemu micca ricunnosce u visu di quelli chi so l'urigine vera di i nostri guai, un vulemu micca inticcià u so sguardu, perchè so Corsi cum'è noi; è un ammetemu micca chi u populu corsu, cum'è tutti i populi, t'ha i so eroi, a so ghjente urdinaria, a so canaglia è i so dittatori. Rammintate puru a storia corsa : Sampieru o Paoli hanu sempre luttatu contr'à certi Corsi à a so epica. E Sambucucciu ùn hà mai fattu che quessa.

Capimu dunque un'affare, u prublema un hè micca u Statu - quessu u prublemu vene dopu. U prublemu centrale hè dentru à noi, dentru à una parte di noi, malata è scema, chi ci dumineghjanu.