Hè da giurnalista ch'ellu avia participatu à stu filmu di FR3, dece anni dopu l'epupea.
A so voce carismatica, hè ella dinù chì sintimu nant'à u filmu ch'ellu avia fattu u MPA, nant'à u FLNC. L'averete capita, Michel Moretti era naziunalistu. Hè statu elettu cunsiglieru territuriale, in u 1992, nant'à a lista purtata da Alanu Orsoni. Alluntanatu da l'affari pulitichi, avia palisatu ch'ellu sustenia l'andatura di Ghjuvan'Guidu Talamoni durante u prucessu di Matignon.
Ma i so impegni sò stati spurtivi dipoi più di 15 anni. Hè ellu chì l'hà fatta à purtà l'ACA da a Prumuzione d'onore à a prima divisione. Era una manera di mustrà chì da u dì à u fà, ùn manca chè a vuluntà !
In tantu, à contu meiu, u so impegnu à prò di a nostra isula ferma un esempiu bellu da seguità.