Si chjamanu Emmett Rensin è Alex Aciman, anu tramindui i so 19 anni è un speziu di stile à l’usu « has been » d’incundiziunale di i Beatles, ghjustappuntu più vicinu di « yesterday » chè di a Tektonik o astri Tokio Hôtel. Studienti à l’Università di Chicago contanu d’avè invintatu un cuncettu di quelli rivuluziunarii : a twitteratura.
Infatti, spiecanu d’avè vulsutu mischjà i dui elementi ch’elli pensanu riprisentativi di a so epica.
U primu : Twitter, rete suciale di l’ultima generazione chì permette di mandà messagi corti corti à i s’amichi : i tweets, o chjurluchjulimi. I pulitichi ne sò scemi è u situ hè statu in core à l’attualità in u mentre di l’evenimenti in Iranu.
U sicondu : a literatura… Bof… Si pinsaria piuttostu à u tamagoscì o à facebook, ma aviamu privinutu chì ghjeranu d’una altra epica…
Imbulighjateci tuttu què è u risultatu hè isciutu in Francia u prima d’Aprile : un riassuntu – à u sicondu gradu - di tutti i capi d’opara di a literatura mundiale longhi quant’è un tweet (140 segni).
Ne vulete di a Divina Cumedia, u munumentu di Dante ? Da più di 500 pagine vi ferma… 20 linee… Pocu laziu d’abbuchjavvi l’ « Etranger » di Camus ? Eccune u riassuntu 2.0 :
« Maman morte. Pris mon pistolet, des Arabes partout. Toujours chaud, toujours saoul. »
Certi tiranu i salti !
A ci pruvemu cù i nostri « classichi » nustrali ?
Pesciu Anguilla :
« Carrughji bastiacci. Ki vitaccia, Babbu sempre à pacchettu. U battellu si sprufonda, mi facciu prete è en avant ! »
Mal’Cunciliu ? :
« Ma kawarà fattu stu prete ? Mal’battezu : a notte, francu u fiume, vecu a morte… Torremorta, l’arburu, è Lesia chì canta pianu… »
51 Pegasi :
« Nimu mi capisce. Sucetà à l’agunia, identità frasturnata ? Mi manghju una chjibba è a mi tengu ! »
Appassiunati di literatura, i dui giovanotti dicenu di vulè dinunzià l’epica Twitter, quella di l’infurmazione fast-food di u zapping chì c’hà rilegatu a zappetta in carciara.
Ma à l’ora chè no campemu, cù una lingua chì si piglia sempre di più a falata, cù una literatura – muderna o puru più anticone – chì strazieghja per fassi cunnosce, sè sta twitteratura facia a dimustrazione upposta è ghjera una porta spalancata versu à cunniscenza di l’opare ? Una twitteratura corsa cum’è una « quatriesima di cuparta » à l’usu 2.0 ?
Vi piacenu à Thiers, Fusina o Coti ? Pruvate ancu voi…
Da vede a video nant'à LCI.fr : La "Twitterature" ou les chefs-d'oeuvre revus par la génération Twitter
Infatti, spiecanu d’avè vulsutu mischjà i dui elementi ch’elli pensanu riprisentativi di a so epica.
U primu : Twitter, rete suciale di l’ultima generazione chì permette di mandà messagi corti corti à i s’amichi : i tweets, o chjurluchjulimi. I pulitichi ne sò scemi è u situ hè statu in core à l’attualità in u mentre di l’evenimenti in Iranu.
U sicondu : a literatura… Bof… Si pinsaria piuttostu à u tamagoscì o à facebook, ma aviamu privinutu chì ghjeranu d’una altra epica…
Imbulighjateci tuttu què è u risultatu hè isciutu in Francia u prima d’Aprile : un riassuntu – à u sicondu gradu - di tutti i capi d’opara di a literatura mundiale longhi quant’è un tweet (140 segni).
Ne vulete di a Divina Cumedia, u munumentu di Dante ? Da più di 500 pagine vi ferma… 20 linee… Pocu laziu d’abbuchjavvi l’ « Etranger » di Camus ? Eccune u riassuntu 2.0 :
« Maman morte. Pris mon pistolet, des Arabes partout. Toujours chaud, toujours saoul. »
Certi tiranu i salti !
A ci pruvemu cù i nostri « classichi » nustrali ?
Pesciu Anguilla :
« Carrughji bastiacci. Ki vitaccia, Babbu sempre à pacchettu. U battellu si sprufonda, mi facciu prete è en avant ! »
Mal’Cunciliu ? :
« Ma kawarà fattu stu prete ? Mal’battezu : a notte, francu u fiume, vecu a morte… Torremorta, l’arburu, è Lesia chì canta pianu… »
51 Pegasi :
« Nimu mi capisce. Sucetà à l’agunia, identità frasturnata ? Mi manghju una chjibba è a mi tengu ! »
Appassiunati di literatura, i dui giovanotti dicenu di vulè dinunzià l’epica Twitter, quella di l’infurmazione fast-food di u zapping chì c’hà rilegatu a zappetta in carciara.
Ma à l’ora chè no campemu, cù una lingua chì si piglia sempre di più a falata, cù una literatura – muderna o puru più anticone – chì strazieghja per fassi cunnosce, sè sta twitteratura facia a dimustrazione upposta è ghjera una porta spalancata versu à cunniscenza di l’opare ? Una twitteratura corsa cum’è una « quatriesima di cuparta » à l’usu 2.0 ?
Vi piacenu à Thiers, Fusina o Coti ? Pruvate ancu voi…
Da vede a video nant'à LCI.fr : La "Twitterature" ou les chefs-d'oeuvre revus par la génération Twitter
U 2 è 3 d'aprile sò i "prestaticci", è hè normale d'avè tempacciu
