A Piazzetta, blog in lingua corsa - blog en langue corse / apiazzetta.com informations, actualité of corsica
ATTUALITÀ CORSA FUTBOL BETTUNIZEMU MAGAGNA CULTURA SUCETÀ VIDEO GIURNALE CUMU SI DICE... CUNTATTU / PUBBA
Accueil
Envoyer à un ami
Version imprimable
Partager

Più forte ch'è Mafiosa è Un prophète, Corse-Matin

U filmu "Un Prophète" v'hà scandalizatu ? A seria "Mafiosa" v'hà stumacatu ? Ùn v'inchietate, hè sempre peghju a realità.



Più forte ch'è Mafiosa è Un prophète, Corse-Matin
Fate parte di quelli chì sò stumacati da l'ultime fizzioni chì sò esciute nant'à a Corsica ?

Site statu statu addisperatu da Mafiosa nant'à Canal + ?

U filmu "Un Prophète" d'Audiard v'hà arrabbiatu ?


Chì serà allora quandu leghjerete Corse-Matin...

Hè vera chì à cantu à ciò chì si passa in stu paese, i scenaristi di Mafiosa parenu Bisounours.

Trà un anzianu presidente di CCI chì si ritrova in un eliccòtteru cun centinaie di chilò di droga (d'altronde avemu amparatu chì i giurnalisti di France-Soir leghjenu A Piazzetta) è u prucessu di u famosu macellu dettu "La Tuerie des Marronniers" (quindeci minuti di fucilata non stop...) semu stati servuti sta settimana.

Nant'à Facebook u gruppu Pour que Canal + cesse d'utiliser le Diu vi Salvi pour la promo de Mafiosa hà da passà i 1000 iscritti.

Dopu à Un Prophète l'eletti di Corsica Libera avianu mughjatu, forse perchè in u filmu l'arabu parla corsu megliu ch'è i Corsi ?

Invece, si sente poca ghjente contr'à a preputenza di u "milieu" in Corsica, contr'à u tsunami di a coccaina, contr'à l'impurtenza ch'ella hà pigliatu a maffia in l'ecunumia, in particulare in u BTP è l'immubiliare, contr'à l'interessi di a maffia russia...

Sariamu in traccia di sbagliassi di cumbattu ?

l'8 di Nuvembre 2010
u webmaestru



1.mandatu da Piatamò u 08/11/2010 03:48
U cumbattitu hè cumplicatu oghji chì ùn c hè più un palmu Di nettu indocu. C hè troppu affari à dà capu. Circhemu Di fà un pocu tutt'ognunu rifirendu ci à ciò ch eddi sò i nosci radichi, omini è donni d' a tarra chì sapiani campà insembu, par pisà torna u nosciu populu altu ancu di più ch'è nanzi par circà d' invintà à nantu à a nosci'isula u mondu u più ghjustu pussibuli

2.mandatu da Dédé u 08/11/2010 07:59
Mà Corse-Matin ùn ha mai cessatu di esse a voce di u culunialisimu è di a francisazione di u nostru populu, ùn cihè nunda di stunante per mè..d'altri affari so trattatti ancu senza nomi nè foto, si dipende di qual'ellu si parla..!!

3.mandatu da ghjuvan'marcu u 08/11/2010 09:26
A realità travanca a finzione.
Una stonda di puesìa: Vaghjimu ! E palle facenu cascà e fronde d'i castagni d'india spaperse da l'elicòtteru chi pass' e vene, sott'à l'ochji d'i pullastri allupiati.(Mallarmé ?)
http://andaccianu.over-blog.com

4.mandatu da Lettore u 08/11/2010 13:30
Ghjè a nostra Stampa "People" i stalvatoghji so piu interessante qui ch'indè Voici o GALA..!!

5.mandatu da MARCUCCIU u 08/11/2010 15:07
So quantunqué stumacatu di leghié tutté st'éresié in'antu a i gjiurnali ,di corse matin hé ancu di i gjiurnali francesi .Aghiu intesu inantu a una radio francesa "interpellation d Ali B en flagrant delit". u ghijornu doppu "arrestation d Antone M corse d'origine".Ma un capiscu micca,un' si parla mai di bretons ,d'alsaciani,di provenceaux,di schiti hé di tan'altri.I soli chi facenu l'attualita criminalé so sempré i corsi. Vuleria sapé sinamenté a quandu a da dura sa riputazioné quelli ci facenu si media??

6.mandatu da Pegasi u 08/11/2010 18:18
Li peghju, anant'a Torche-Matin, un sò micca i giurnalisti. Sò a mansa di nerpie riazziunarie chi sò nantu à u forum internet di stu giurnale, incù i so pseudo di gloscie è li so discorsi di collabo puzzinosi. Sò una decina di catini à dà li so parè schiffosi tutt'i ghjorni, meritarebbenu un palu tamantu da fanne un "baby-foot" umanu di sta sterpa di catafalchi...

7.mandatu da Dédé u 08/11/2010 18:54
e contra à a culunizazione di populamentu è e so consequenze. mà rimarcatte, più nimu ùn dice nunda mancu i naziunalisti, è ùn parlu mancu di quelli "eletti", chi à difendenu..
Iè ci sbagliemu di cumbattu.. mà ùn ci simu sempre sbagliati noi altri corsi? a vemu sempre fattu gattive scelte... ùn hè ???

8.mandatu da per ride u 08/11/2010 19:34
Sentu dì ch'ella ci saria a maffia russia in Corsica.
Avà mi vene u suspettu, mi dumandu s'è i Chjami, sottu à a scusa di u cantu è di l'idee cumuniste, ùn si facenu l'imprestinomi di i drugati di a Vodcà.

Più di 60 maffiosi, masimu ch'elli cunnoscenu l'arte di a mitragliosa, d'un colpu in Corsica ci hè da avè i pinseri.

È tandu chì femu ?

Amparemu l'Arabu, u Chinese o u Russiu ? (unu prupone ancu l'abreiu)

L'affari sò propiu in francese.

9.mandatu da Bolchevik u 08/11/2010 20:00
@ Per ride : Eiu un ci credu à a Mafia Russia in Corsica, ghjè u sugettu di i giurnalisti più penserosi di vende u so "canard" o raggioni di "comptoir" per rendesi interessante.

A Corsica e i so 300000 abitanti chi so per quessi... avà ponu avè qualche "Villà" pè

vene l'estate in vacanze mà micca di più (Spergu....) So fanstasmi corsi, fantasmi

di mafia è di putenza, i grossi sgaiuffi corsi si so tombi frà elli no ??

pè i chjami quale hè chi sà ?? forza agenti di l'ex Kgb....

10.mandatu da Bolchevik u 08/11/2010 20:01
* Forse è micca "Forza"..... lapsus calamae..!!

11.mandatu da topu u 08/11/2010 23:52
Gilbert Casanova..... Santu Federici...... Nivaggioni.....


iè, a realtà trapassa a finzioni è l'attualità ghjè peghju che "Mafiosa" è "un prophète"....

e nimu si lagna

12.mandatu da cacciatore u 09/11/2010 08:13
O topu, ùn c'hè più grave che tuttu que... A situazione in corsica NO ??

13.mandatu da corsu u 09/11/2010 15:11
delazione de i cacciatori francesi, imbecillita di i mercanti corsi


14.mandatu da PPDA u 09/11/2010 20:31
bolchevik, fala puru in Ghisunnaccia à dumandà à certe famiglioni di dì ciò ch'elli facenu cù i russii ( prestà nomi...transazione imubiliarie..!!! ) simu in pienu James Bondi !! ghjè custi chi i ficca nasi di i giurnalisti averebbe da andà à bavacciulà. ci hè u periculu in Corsica è Mussolini avia forse a ragiò "la cabia si ma senza gli uccelli !!"

15.mandatu da Russkof u 09/11/2010 21:21
ci faci a paura PPDA.... chi ci sarà di cusi interessante pè stu russiacci in ghisunaccia.. in PVecchju o Bunifaziu d'accordu..mà ste piaghje... in fine sè tu a dici...Ste famiglioni averanu anch'elle i so interessi.. Di tutte manere, ci vole, o russia o corsica...una mafia in corsica.


16.mandatu da Avulpaccia u 11/11/2010 14:25
Ci vole piu a leghje cunnerie, sò fatta apposte per mette u Populu in rabbia contr'a isse ghjente ò fà pulemica .

O per ride pienteremu mai annant'ai issa discuzione di cuncertu in più era be, é ùn c'aghju vistu nunda di male... ;-p
Fora di e gattive lingue, u lindumane !

Novu cumentu :
Seguitateci nant'à Facebook
L'articuli
Abbunatevi à a newsletter
Circà nant'à A Piazzetta
Ricerca avanzata
Galleria
A maledizzione di e buatte corse
A maledizzione di e buatte corse
1981 : a cuppa hè nostra !
1981 : a cuppa hè nostra !
Ponte Leccia city
Ponte Leccia city