Semu bè piazzati pè sapè chì à i francesi li piace à dà lezzioni di demucrazia à u mondu sanu ma senza rimettesi in causa a so propia pulitica. Cusì, quelli chì si prensentanu cum'è i figlioli di a filusuffia di i lumi, vanu à sustene cause luntane induve spessu ùn ci capiscenu nunda. Ma li permette di mustrassi cum'è grandi intellettuali chì vanu à cumbatte l'oscurantisimu à l'astru latu di u mondu.
Di siguru si face in funzione di l'attualità è di ciò chì si passa à u vingt heures di TF1. Di tantu in tantu volta u Tibet, eri era u Ciappas, i Kurdi o ùn sò chì poveru pòpulu in brama di a so libertà.
Dunque, cù i prussimi ghjochi olìmpichi chì anu da passassi in China, ùn ci n'hè più ch'è pè u Tibet. Ma attenzione, passata a festa, capulatu u santu ! Di settembre ùn si ne parlerà più, più nimu ùn s'hà da interessà à ciò chì si passa in Lhassa.
Qualchì voce si face sente, cum'è Uri Avnery, militante pacifista israelianu chì denunzia l'ipocrisia di quelli chì sustenu u Tibet, ma micca i Baschi o i Corsi
Ma i Chinesi sò maligni. Scuntenti di vede dassi lezzioni à qualchì settimana di i J.O, rimandanu a balla à u mustacciu di i Francesi : d'accordu pè dà l'indipendenza à u Tibet, ma cumminciate voi à dà l'indipendenza à a Corsica ! Hè ciò ch'avianu dinù rispostu i Iugoslavi è Slobodan Milosevic à i francesi sustenianu tandu u Kosovo.
"Liberté pour la Corse !; mughjavanu i chinesi chì eranu in Parigi quand'ella hè passata a fiamma olìmpica.
Di poi, u muvimentu indipendentistu corsu di China cuntinuveghja à fassi sente : nant'à u net si cappianu i cummenti : certi pruponenu di fà striscioni è bandere à favore di l'indipendenza di a Corsica durante i ghjochi !
Seguiteremu e cumpetizioni spurtive di st'estate per vede si certi mettenu e so minacce à esecuzione... Per una volta ch'ellu ci hè un interessu à fidighjà i ghjochi olìmpichi !
In tantu, i siti chinesi n'aghjustanu una fetta...
N'hà parlatu ancu David Abiker à France Info.
Allora si i Chinesi ci si mettenu anch'elli, pò cummincià à trimà Sarkozy.
Serà quessa a "cumunità di destinu mundializata"...
Di siguru si face in funzione di l'attualità è di ciò chì si passa à u vingt heures di TF1. Di tantu in tantu volta u Tibet, eri era u Ciappas, i Kurdi o ùn sò chì poveru pòpulu in brama di a so libertà.
Dunque, cù i prussimi ghjochi olìmpichi chì anu da passassi in China, ùn ci n'hè più ch'è pè u Tibet. Ma attenzione, passata a festa, capulatu u santu ! Di settembre ùn si ne parlerà più, più nimu ùn s'hà da interessà à ciò chì si passa in Lhassa.
Qualchì voce si face sente, cum'è Uri Avnery, militante pacifista israelianu chì denunzia l'ipocrisia di quelli chì sustenu u Tibet, ma micca i Baschi o i Corsi
Ma i Chinesi sò maligni. Scuntenti di vede dassi lezzioni à qualchì settimana di i J.O, rimandanu a balla à u mustacciu di i Francesi : d'accordu pè dà l'indipendenza à u Tibet, ma cumminciate voi à dà l'indipendenza à a Corsica ! Hè ciò ch'avianu dinù rispostu i Iugoslavi è Slobodan Milosevic à i francesi sustenianu tandu u Kosovo.
"Liberté pour la Corse !; mughjavanu i chinesi chì eranu in Parigi quand'ella hè passata a fiamma olìmpica.
Di poi, u muvimentu indipendentistu corsu di China cuntinuveghja à fassi sente : nant'à u net si cappianu i cummenti : certi pruponenu di fà striscioni è bandere à favore di l'indipendenza di a Corsica durante i ghjochi !
Seguiteremu e cumpetizioni spurtive di st'estate per vede si certi mettenu e so minacce à esecuzione... Per una volta ch'ellu ci hè un interessu à fidighjà i ghjochi olìmpichi !
In tantu, i siti chinesi n'aghjustanu una fetta...
N'hà parlatu ancu David Abiker à France Info.
Allora si i Chinesi ci si mettenu anch'elli, pò cummincià à trimà Sarkozy.
Serà quessa a "cumunità di destinu mundializata"...
A Corsica dice à vedeci à Edmond
