Accueil
Envoyer à un ami
Version imprimable
Partager

Attenti à l'hoax !

Un hoax significheghja una magagna in inglese. O piuttostu una falsa infurmazione chì si sparghje in furia nant'à internet. Hè cusì chì una fiura trafficata per esse messa in linea nant'à A Piazzetta, s'hè ritruvata trasmessa da mail in forum, per ritruvassi... innù u Corse-Matin...



Attenti à l'hoax !
Un hoax hè dunque una falsa infurmazione chì circuleghja, è si sà ch'ellu ci n'hè tantu nant'à internet. À tal puntu ch'elli esistenu i siti spezializati in a verificazione è u cuntrollu di ste magagne, cum'è hoaxbuster.

Allora piantemu puru quì a magagna. U 12 d'aprile scorsu avemu messu in linea nant'à u nostru blog un articulu nant'à u fattu chì certi chinesi stumagati da l'attitutine francese nant'à u Tibet si sò messi à dumandà l'indipendenza di a Corsica, più pè pruvucazione ch'è per interessu di a nostra sorte.

Ma si l'infurmazione era vera, u ritrattu ùn l'era micca... Per illustrà st'articulu, avemu fattu un muntame cù Photoshop. Bastava à ficcà una bandera corsa in una manu d'una chinese abbastanza azeza in piena manifestazione, pugnu alzatu è sguardu determinatu.

Ma ci vole à crede chì u muntame era riesciutu... In quattru è trè sette, a fiura s'hè ritruvata nant'à ùn sò quanti forum, mandata da mail in mail, pè finalmente ritruvassi, (chì bellu destinu !) in piena pagina di u nostru caru Corse-Matin...

Allora eccu, per rispettu pè i nostri lettori è per esse onesti, sta testa di moru ùn s'hè mai ritruvata in manu di sta chinese, piccula impegata di Wal Mart in Shangai... è dì chì ancu i giurnalisti si sò fatti burlà !

Muralità : hè veramente faciule di manipulà l'infurmazioni...

Ma aspettemu torna appena, forse chì u destinu di sta fiura ùn hè ancu à compie. Forse ch'ella si ritruverà un ghjornu innù e pagine di Marianne o di L'Express, cù un articulu stumagatu di stu carnavale di Christophe Barbier, li ferà un'occasione di cuntinuvà à inzergassi contr'à noi.

Avà, voi lettori di A Piazzetta, sapete ch'ella hè una burla. Ma aspettate torna appena, d'altre surprese sò à vene...

u 30 d'Aprile 2008
u webmaestru



1.mandatu da Petru-Anghjulu u 30/04/2008 10:09
ah ah ! Tremendu stu muntame, à dumandassi s'elli esistenu sempre i veri giurnalisti ?
Chi macagna e chi sciabulone a ghjente di a stampa !!!

2.mandatu da francesca u 30/04/2008 13:48

Magnificu! Mi sò spanazata!

3.mandatu da Alibertu u 01/05/2008 10:53
Ci vulia à fà la! È quantu ghjente si sò dumandati cume sta bandera era ghjunta quallà!!

4.mandatu da Jean-Jacques arresta i panini è fà i sushi u 01/05/2008 23:37
averia pussutu ghjunghje cù a filera di i Chinesi d'Aiello ;-)

5.mandatu da Hannü u 27/11/2008 21:37
Pour parler du Tibet, il faut:

- aller au Tibet ou
- lire mon livre du Tibet, Dialogues Tibetan Dialogues Han, un livre de voyages au Tibet et de conversations avec les Tibétains au Tibet.

http://www.amazon.com/Dialogues-Tibetan-Han-Hann%C3%83%C2%BC/dp/9889799936/ref=sr_1_1?ie=UTF8&s=books&qid=1210070217&sr=8-1

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta