Accueil
Envoyer à un ami
Version imprimable
Partager

Tutti fliccati cun Edvige... è cun Facebook !

Sott'à u dolce nome d'Edvige si piatta un fliccu chì vole fiscià à tutti è st'ultimi ghjorni hè ingunfiata a cuntestazione. Purtantu ùn vale a pena di circà tantu luntanu : ci flicchemu da per noi nant'à Facebook !



Tutti fliccati cun Edvige... è cun Facebook !
S'hè assai parlatu d'Edvige st'ultimi ghjorni tantu e pruteste sò state vive. Ci hè di chè : tutt'ognunu puderà avè a so fiscia ind'è i flicchi cun Edvige (pè Exploitation Documentaire et Valorisation de l'Information Générale).

Una manifestazione per tene a so Posta in paese ? Un apperitivu ind'è Clavier ? Un zitellu chì si face chjappà per avè brusgiatu una rumènzula ? Hop ! Avete a vostra fiscia ancu voi.

Basta chì un pulizzeru pensessi ch'è vo site « susceptible de porter atteinte à l’ordre public ». Seranu mintuvate l'opinione pulitche, a religione, l'orientazione sessuale, l'appartenenza sindicale, l'origine etnica... è quessa à partesi da 13 anni.

Ci spieganu chì sti rinsignamenti sò impurtanti pè pudè assigurà l'ordine. Sapete, ci hè statu l'ondeci settembre... Hè a tindinza mundiale : i populi da per tuttu sò sempre di più fliccati, fisciati, survegliati. Camerà in i carrughji, drones pè surveglià e banlieues, fischiè ADN...

Ancu megliu ch'è Edvige, Facebook !

Ma i flicchi ùn anu bisognu d'andà à circà tantu luntanu pè truvà ciò ch'elli volenu. À l'epica di Google è di Facebook, in qualchì cliccu truvate tante infurmazione nant'à u net.

Nant'à Facebook si face subbitu cunniscenza : opinione pulitiche, religione, ritratti, amichi... Fate a sperienza da per voi ! Persunalmente aghju amparatu cun Google chì u mo vicinu (ch'o ùn cunnoscu micca) hè di strema diritta, ch'ellu s'hè presentatu nant'à una lista à l'ultime municipale, ch'ellu face studii d'ecunumia è ch'ellu s'hè pigliatu una scimia sabbatu sera. Mancu bisognu di i RG !

È u peghju, è ch'è no semu cuntenti di fisciacci da per noi... Cum'è l'avia detta Thomas Jefferson : « Quiconque est prêt à sacrifier sa liberté pour un peu de sécurité provisoire ne mérite ni l’une ni l’autre et perdra les deux »

u 19 di Sittembre 2008
u webmaestru



1.mandatu da Mirvella u 19/09/2008 23:11
Beddu sughjettu da veru. È tutti i facciacci di i butti isulani in Meetic ùn ni parleti micca ?

2.mandatu da culomba u 20/09/2008 00:51

Ci era ancu un prugettu di Sarco, ùn sò induve n'hè, di arrigistrà i zitelli di scola materna chì murzicavanu à i so camarati...Futuri terruristi o gansteri di sicuru!!

3.mandatu da Ziu Dumè u 20/09/2008 16:59
Ùn capiscu micca cosa li rimpruverate à Edwige. Ne truverete pochi pezzò cum'è quessa! S'ella mi vole fliccà, li ficcu eiu !

4.mandatu da GWM u 24/09/2008 10:20
ùn hè micca Ben Franklin chi ha fattu sta cacciata nant'a libertà è a securità perse? infine, ghjè listessu affare...E po avà ognunu l'ha appressu à Edvige ma chi nè pensate di u "schedinu" (o schedariu?) STIC di a pulizza ?
E un mi parlate micca di sti puveretti di a CNIL...

5.mandatu da u webm' u 24/09/2008 14:40
allora custì o GWM po mi ne dumandi troppu...

parechji siti l'attribuiscenu à Jeff' :

6.mandatu da GWM u 24/09/2008 16:51
mi n'impippu di Ben o Jeff. U prublema ghjè u STIC.

7.mandatu da aiaccina ! u 11/10/2008 15:44
vivemu à l'epoca di Big Brother ! si po di n'importa chene su facebook ...ma edvige si po ingannà?

8.mandatu da 112588 u 13/10/2008 14:05
E a nostra libertà?? Cun facebook, scegliemu noi da di di e cose persunale, ancu se pudemu di n'importa chene, ma edvige è n'importa che, cumu un fischiè cun a nostra religione o a nostra orientazione sessuale pude veramente aiutà a pulizza?
E semprè un pigliatu à a liberta.

9.mandatu da 90210 u 14/10/2008 20:09
A nanta Facebook semu noi a sceglie che infurmazioni vugliamu mette, si mette n'importa che ... ma cù EDVIGE e à pulizza che dicide di che si po mette ...
112588 ha ragione cumu a religione o l'orientazione sessuale aiutà l'arrestazione di delinquenti ?

10.mandatu da 2035 u 19/10/2008 15:32
Innò Edvige un hè micca quellu pezzonu chi si vede nantu à u ritratu, hè un omu travestitu, e u sò veru nome hè Adolf.

11.mandatu da a bedula u 08/11/2008 16:14
Mà cù Facebook ci hé a pussibilità di sceglie ... mà cù Edvige semu privatu di a noscia libertà , di a noscia intimità .
ùn hé micca nurmali ...

12.mandatu da Magone u 09/11/2008 15:46
ci hè una grande differenzia cu Edvige è cu Facebook.... Cù Facebook simu noi chi scegliemu l'informazione chi no vulemu chi a ghjente vedenu mà cu Edvige simu flicchadi senza u nostru accordu... In piu Edvige pove esse periculosu per un nostre avvene.

13.mandatu da Femina u 10/11/2008 14:57
Chi bell'esempiu chi ci da a francia cu edvige per u rispettu di a liberta! E dopu si dice a patria di i Diriti di l'Omu!!!! A mumentu ci sara un fliccu per un omu se lasciemu fa cusi!

14.mandatu da Diu u 11/11/2008 19:56
I flichi ùn anu micca bisogna di què pà sapè tuttu à nanta noi.

15.mandatu da Ballarina u 12/11/2008 21:04
Dice u pruverbiu : « A lingua ossu ùn hà, ma ossu tronca ! » Chì tanti Edvige, Facebook è Google ? Venite in li paesi è sentite e linguacce chì si movenu. D’un ditu ne facenu una manu. Á maiò parte di sta ghjente impistata è cattiva travaglia à « i RG » ma ùn la vole ricunnosce. « L’indic » anu sempre esistutu è esisteranu sempre ! Attenti à elli ! Se noi i sculunemu, disgraziati ch’elli sò !!!

16.mandatu da Georges Brassens u 18/11/2008 16:29
Haaaaaa.... Aghju capitu avà !! erisera scontru un pezzò nantu à u "chat" : pigliemu apputamentu daretu a gendarmeria (bizarra l'affara). Tandu vocu...
Eiu ùn mi dubbitavu di nunda ma dopu mi so dettu : avia i petti più grossi nantu à a foto edvige :/

17.mandatu da C-16 u 18/11/2008 16:58
E
Dopu
Vecu
Ingenui
Ghjucà cun
Edvige

Tintacci!

18.mandatu da o valisglia u 23/11/2008 18:58
Hè mortu a EDVIGE, eviva EDVIRSP! Tutte l'infurmazione dette sensibile sò state cacciatè francu u fisciamentu di i minori. Di sicuru st'affare ùn piantera micca quì perchè hè un altra oppurtunità pè l'oppusizione di fassi sente.
Ma hè rincriscevule d'ùn avè micca un strumentu putente pè parassi di u terrorismu è di i scemi.
Allora ci Facebook hè propiu un bellu strumentu per mette u so CV nant'a u net.
Lasciate puru i polizerri studià a vostra fiscia, ùn avete nunda a rimpruveravi nò?

19.mandatu da Ultima u 30/11/2008 00:55
A ghjenti si lagna di certi leggi. Pò quandu tuttu ognunu ùn parla più cà da un "situ" à a moda chì quiddi ch'ùn ci sò si sentini ùn poccu bestii , tandu sta ghjenti ùn si rendi mancu contu ch'eddi aiutani a pulizia, chì grazia à eddi, t'hanni menu travagliu, menu ricerchi da fà. Allora peghju pà eddi s'eddu li piaci à cuntà a so vita nantu à internet, à fà sappè à tutti i so idei parsunali, pulitichi, murali, ùn l'avemi micca da lagnadi.

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta