Sauveur è Paul sò felici oghje. Sò principiati i travaglii di i giratoghji di Furiani è Casatorra. Dui tunnelli permetteranu di fluidificà a circulazione.
Ci vole à dì chì cun 40.000 vitture à ghjornu, l'entrata di Bastia hè infernale.
Costu di sti travaglii : 30 milioni d'euri.
Siguramente chì sti travaglii, ci vulia à falli. Hè solu peccatu ch'ellu ùn si pensi solu ch'è in termine di "tuttu vitture". Ci vole à aiutà e vitture, sustenele, fà parkings...
D'appressu à Frédéric Denhez, autore di "La fin du tout-voiture", una vittura costa trà 200 è 1300 euri à mese (essenza, assicuranza, parkings, riparazioni, intrattene, PV ecc...). Sia 20% di u bugettu di a ghjente (è sin'à 40% in u peri-urbanu perchè si piglia di più a vittura).
Sò parechji à parlà di a fine di u "tuttu vittura" (state puru à sente st'emissione). Micca a fine di a vittura hein, ma di u fattu chì ùn ci pudemu passà di a vittura in u nostru cutidianu.
In Corsica hè ancu di più vera ch'è in altrò, semu à u gradu zeru di i trasporti in cummunu.
Purtantu, sò numerose e cità d'Auropa induve si cerca di "mette fora" e vitture. A suluzione hè semplice ma costa caru è ci vole à cambià l'abitutine : si sviluppanu d'altri mezi di trasporti "puliti" : trenu, tram, bus eccetera.
Truvate normale d'ùn pudè piglià u trenu per andà e sere di partite in Furiani ? Truvate normale d'ùn pudè piglià trasporti in cummunu per quelli chì stanu in Borgu o Lucciana è chì travaglianu in Bastia ?
Per avà, sò pochi à circà di rifletteci in Corsica. Ma ci veneremu bè un ghjornu.
Ci vole à dì chì cun 40.000 vitture à ghjornu, l'entrata di Bastia hè infernale.
Costu di sti travaglii : 30 milioni d'euri.
Siguramente chì sti travaglii, ci vulia à falli. Hè solu peccatu ch'ellu ùn si pensi solu ch'è in termine di "tuttu vitture". Ci vole à aiutà e vitture, sustenele, fà parkings...
D'appressu à Frédéric Denhez, autore di "La fin du tout-voiture", una vittura costa trà 200 è 1300 euri à mese (essenza, assicuranza, parkings, riparazioni, intrattene, PV ecc...). Sia 20% di u bugettu di a ghjente (è sin'à 40% in u peri-urbanu perchè si piglia di più a vittura).
Sò parechji à parlà di a fine di u "tuttu vittura" (state puru à sente st'emissione). Micca a fine di a vittura hein, ma di u fattu chì ùn ci pudemu passà di a vittura in u nostru cutidianu.
In Corsica hè ancu di più vera ch'è in altrò, semu à u gradu zeru di i trasporti in cummunu.
Purtantu, sò numerose e cità d'Auropa induve si cerca di "mette fora" e vitture. A suluzione hè semplice ma costa caru è ci vole à cambià l'abitutine : si sviluppanu d'altri mezi di trasporti "puliti" : trenu, tram, bus eccetera.
Truvate normale d'ùn pudè piglià u trenu per andà e sere di partite in Furiani ? Truvate normale d'ùn pudè piglià trasporti in cummunu per quelli chì stanu in Borgu o Lucciana è chì travaglianu in Bastia ?
Per avà, sò pochi à circà di rifletteci in Corsica. Ma ci veneremu bè un ghjornu.
Perchè ci vole à esse fiera d'esse una strega
