Ritrattu : www.gfca-foot.com
I dirigenti di u futbol francese pensavanu sbarazzassine, ma u club di u presidente Fanfan Tagliaglioli ùn more mai.
Malgradu a so disfatta in Amiens (4 à 2), l'Aiaccini sò siguri di turnà in L2 per via di i risultati di l'altri clubs, allora ch'elle fermanu torna duie ghjurnate. Matematicamente, ùn pò più esse raghjuntu.
Ci serà dunque per a prima volta un derby aiaccinu in un campiunatu prufessiunale, postu chì l'ACA ùn hà pussutu mantenesi in L1. Allora chì Parigi ùn ci la face à avè dui clubs prufessiunali (malgradu e tentative di u Racing, di u Red Star, di u PFC, di Saint-Denis-Saint-Leu à un'epica...), a Corsica n'averà quattru (postu chì u CAB duveria tene u so statutu prufessiunale in National).
Sapemu digià chì i nostri amichi giurnalisti cuntinentali chì ci tenenu tantu anu da truvà un nome bellu goffu. Hè a moda, ci hè u "classico" (prununzià "classicaux"), "l'olympico", "l'atlantico"... Più hè goffu, megliu hè.
Rammintatevi ch'è no aviamu previstu l'orribile "corsico "...
Allora, anticipemu. In u 2012 aviamu prupostu u bonapartico è u ococo. Ma forse u chjameranu marcangelico ? U pumontico ? U suttanaccico ?
Nant'à a nostra pagina Facebook i nostri lettori anu prupostu l'imperialico, u montasegaccio, o ancu tocdematchico.
Site prevenuti, un nome bellu goffu serà trovu. Più semplice, un altru lettore prupone L'Aiaccinu. Bon, hè forse u megliu.
Malgradu a so disfatta in Amiens (4 à 2), l'Aiaccini sò siguri di turnà in L2 per via di i risultati di l'altri clubs, allora ch'elle fermanu torna duie ghjurnate. Matematicamente, ùn pò più esse raghjuntu.
Ci serà dunque per a prima volta un derby aiaccinu in un campiunatu prufessiunale, postu chì l'ACA ùn hà pussutu mantenesi in L1. Allora chì Parigi ùn ci la face à avè dui clubs prufessiunali (malgradu e tentative di u Racing, di u Red Star, di u PFC, di Saint-Denis-Saint-Leu à un'epica...), a Corsica n'averà quattru (postu chì u CAB duveria tene u so statutu prufessiunale in National).
Sapemu digià chì i nostri amichi giurnalisti cuntinentali chì ci tenenu tantu anu da truvà un nome bellu goffu. Hè a moda, ci hè u "classico" (prununzià "classicaux"), "l'olympico", "l'atlantico"... Più hè goffu, megliu hè.
Rammintatevi ch'è no aviamu previstu l'orribile "corsico "...
Allora, anticipemu. In u 2012 aviamu prupostu u bonapartico è u ococo. Ma forse u chjameranu marcangelico ? U pumontico ? U suttanaccico ?
Nant'à a nostra pagina Facebook i nostri lettori anu prupostu l'imperialico, u montasegaccio, o ancu tocdematchico.
Site prevenuti, un nome bellu goffu serà trovu. Più semplice, un altru lettore prupone L'Aiaccinu. Bon, hè forse u megliu.
È s'ellu era quessu, u ballò chì ci piace ?
