Lamentu di u banditu
Oramai a meza machja eu so banditu
Ma se banditu so, hè per l'onore
Per vive for di legge e da rimitu
Ancu di l'arba eu rispettu lu fiore.
U drittu hè la raggio di li me guai
Un corsu hè curagiosu ma vile mai
A vita di u banditu hè mischinella
Si stà cu l'arme nude a fior di lettu
Un volu, di una fronda o di un' acellu
Mi porta di u nemicu lu suspettu
Cume l'antichi corsi omi di core
Pronti sii a tumbà e pronti a more
Sola una stilittata mi cunfonde
In tutta sta natura generosa
E quandu chjamu e chi l'ecu risponde
Senza dammi la voce di la mio sposa
Di basgi quandu eu mi trovu privu
Mi par d'esse più morte che vivu
O Corsica annanata da lu mare
Terra d'eroi abandunata e sola
e to virtù le tengu tantu care
Hè cio che di la sorte chi mi cunsola
Di sangue per rompe le to catene
Per tè daria u core e le mio vene
Maistrale
Pétition : Sauvons les Arrêtés Miot
