A 5B à a scuperta di a storia di Bastia

A scola di 5B hè partuta à a scuperta di Bastia. Eccu u resu contu di sta ricca ghjurnata !

A piazza Santu Niculà è u munumentu à i morti

Avemu principiatu cù a Piazza Santu Niculà, una di e piazze e più grande d'Auropa. Ci simu piantati davanti à u munumentu à i morti.

Avemu vistu a scultura di Louis Patriarche chì ci parla d'un episodiu di a storia di a Corsica : Margherita Paccioni chì presenta u so ultimu figliolu à Pasquale Paoli.

Avemu vistu dinù u bassurilievu di Jean-Mathieu Pekle chì rapresenta a scena d'un voceru

Eccu u pannellu spiegativu di u munumentu (cliccate pè ingrandà a fiura è leghje megliu) :

Un filmettu chì ci conta a storia di a piazza

A statua di Napuleò

Elena ci hà cuntatu a storia di sta statua fatta da Lorenzo Bartolini. Pare chì Napuleò sia andatu à fà a musculazione...

San Roccu

A prima chjesa ch'è no avemu vistu hè quella di San Roccu. Hè l'oratoriu d'una cunfraterna di u XVIu seculu.

A Cuncezziò

Cuntinuvemu pè u carrughju Napuleò. Avemu vistu a segonda chjesa : quella di a Cuncezziò, cù a so mosaica. A so storia hè ligata à quella di u reame anglocorsu.

A piazza di u Mercà

Dopu simu andati nant'à a piazza vicina : u Mercà.

San Ghjuvà

Ghjustu à cantu truvemu a chjesa a più grande di Corsica, San Ghjuvà.

A Casa Castagnola

Ne avemu prufittatu per cansacci davanti à a Casa Castagnola. Avemu vistu e belle pitture à l'affrescu.

Cuntivendu pè i carrughi di Terra Vechja...

Avemu cuntinuvatu pè i carrughji stretti di a vechja cità.

San Carlu

Eccuci in San Carlu, fatta nant'à u mudellu d'una grande chjesa di Roma, a chjesa di u Gesù.

U Vechju Portu

Da San Carlu ci vole pocu per andà nant'à u Vechju Portu.

Carlu è Ella ci anu parlatu di stu locu chì tuttu u mondu cunnosce, è ancu di a scalinata Romieu.

Avemu parlatu di u fucarè di San Ghjuvà.

Terra Nova

Da Terra Vechja, simu cullati in Terra Nova.

Piazza di Corte

Francescu Maria ci hà parlatu di a piazza di Corte, u nome anticu di a "Place du Donjon". Trè munumenti impurtanti si ponu vede da quì : u palazzu di i Nobili Dodeci, ma dinù A Casetta è di siguru u Palazzu di i Guvernatori.

Santa Maria

Da quì simu passati à vede à Santa Maria.

Eccu u pannellucciu :

Santa Croce

Vicina di Santa Maria ci hè Santa Croce, cù i so magnifichi decori di stile "barrucchettu".

Fidighjemu stu filmettu :

U Palazzu di i Guvernatori

Per compie Mathis è Emma ci anu spiegatu l'impurtanza di u Palazzu di i Guvernatori. Hè statu locu di residenza di u Guvernatore ghjenuvese, caserna di suldati, prigiò... è oghje museu.

Fidighjemu u filmettu :

Eccune u pannellucciu :

À u museu, ci simu arrestatu davanti à sta rapresentazione di u Vechju Portu di Bastia, fatta da u pittore Frédéric Bourgeois de Mercey