A TARENTELLA DI CARNAVALE


Rédigé le Jeudi 26 Novembre 2015 à 12:22 | Lu 28 commentaire(s)

Canzona di a cumedia musicale "aiò ch'hè festa" nant'à e feste di u mondu (2009)


A TARENTELLA DI CARNAVALE
 
In Venezia chì belezza
Simu ghjunti per carnavà
In e strette culurite
Ci sò mascar’à vuluntà
 
Pulcinella chì malignu
Face scherzi è scimità
Cù un bizzicu d’acellu
U duttore l’hà da curà
 
 
Ripigliu :             Una ballata principia
                            Ùn si sà s’ella pianterà
                            Una tarentella scema
                            Pò durà un eternità
 
Pantalone vestut’in rossu
Cerca sempre gatt’à ligà
Culumbina cusì bella
Arlechinu à vole spusà
 
Sta sera u Gran Canale
Ci invita à festighjà
À u sonu di manduline
Venite ghjè Carnavà
 
                        Ripigliu