Ghjovi, u 16 di nuvembre di u 2016 i CM1 è i CM2 sò andati à l’Alboru à vere un spettaculu animazione audiovisuale. Quellu si chjama « Baleine et contrebasse ». U musicante Bernardu Abeille ci hà parlatu di a vita di e balene, di a cuntrabassa è di a pianetta chì ci vole à cautà.
In un primu tempu, ci hà prisentatu a balena. Ci hà dettu ch’ella era un mammifferu è chè in 60 millioni d’annate hè passatu da u statu d’una vita terresta, à quella acquatica. Avemu amparatu chì ci eranu i misticeti (balene à fanone) è l’odontuceti (balene à denti). Avemu vistu chè a balena turchina era u mammifferu u più grande di u mondu, ch’ella era longu quante 3 autocari è ch’ella pisava quante 27 elefanti.
In un secondu tempu, ci hà prisentatu a cuntrabassa. Ci hà dettu ch’ellu era u più grossu strumentu à corde ch’omu pudia traspurtà. Ci si pò ghjucà di duie manere : o cù i diti per sunà di jazz (« pizzicato ») o cù un archeru. Ci hè bisognu di 7 arburi sfarenti per cunstruisce la (aceru, vetrice, ebanu, ghjallicu, platanu, peru è u legnu di pernanbuccu). Solu cù a cuntrabassa hà riprudutu u sonu di parechji animali.
In u terzu tempu, avemu vistu un filmu nant’à u mare è sopratuttu nant’à e balene. A musica, u rimore di i marosuli, o ancu u sonu di e balene era fattu solu da Bernardu Abeille cù a cuntrabassa. Gjera magnificu. Ma fideghjate da per voi.
In un primu tempu, ci hà prisentatu a balena. Ci hà dettu ch’ella era un mammifferu è chè in 60 millioni d’annate hè passatu da u statu d’una vita terresta, à quella acquatica. Avemu amparatu chì ci eranu i misticeti (balene à fanone) è l’odontuceti (balene à denti). Avemu vistu chè a balena turchina era u mammifferu u più grande di u mondu, ch’ella era longu quante 3 autocari è ch’ella pisava quante 27 elefanti.
In un secondu tempu, ci hà prisentatu a cuntrabassa. Ci hà dettu ch’ellu era u più grossu strumentu à corde ch’omu pudia traspurtà. Ci si pò ghjucà di duie manere : o cù i diti per sunà di jazz (« pizzicato ») o cù un archeru. Ci hè bisognu di 7 arburi sfarenti per cunstruisce la (aceru, vetrice, ebanu, ghjallicu, platanu, peru è u legnu di pernanbuccu). Solu cù a cuntrabassa hà riprudutu u sonu di parechji animali.
In u terzu tempu, avemu vistu un filmu nant’à u mare è sopratuttu nant’à e balene. A musica, u rimore di i marosuli, o ancu u sonu di e balene era fattu solu da Bernardu Abeille cù a cuntrabassa. Gjera magnificu. Ma fideghjate da per voi.
In fine, avemu cantatu cun ellu una canzona chjamata « la baleine des pinchinades ». Era un innu à a natura. Ma state à sente da per voi.
Chì bellu scontru !