A CANZONA DI ABIRBA
Oghje hè festa in paese
Oghje a birba vole cantà
Ch’elle s’aprinu e case
Oghje a birba vole cantà
A Birba ghjunghje o trallalleru
A Birba ghjunghje o trallallà
A Birba ghjunghje o trallalleru
A Birba ghjunghje o trallallà
U GENERAL'RAMPUFFU
U General’ Rampuffu, quand’ellu era zitellu
Sgranfiava i cumpagni, tirava i capelli
È zim ben bon
Trè colpi di cannò
U General’Rampuffu s’hè fattu cavagliere
Ùn avia cavallu, s’hà cumpratu un sumere
È zim ben bon
Trè colpi di cannò
U General’ Rampuffu vulia parte in guerra
Senza purtà fucile nè menu cartuccera
È zim ben bon
Trè colpi di cannò
U General’ Rampuffu s’hè fattu marinaru
Cù a so barca merza, s’hè capulatu in mare
È zim ben bon
Trè colpi di cannò
DI QUELLU CARNAVALE
In tuttu lu paese ùn si sente chè cantà
O zucca è tandara è tandarallera
O zucca è tandara è tandarallà
U TRIONFU DI CARNAVÀ
Purteremu in trionfu
U nostru rè Carnavà
Alzemu a so bandera
Cantendu da mare in là
È sciuppa la lu la lu lalleru
È sciuppa la lu la lu lallà
È sciuppa la lu la lu lalleru
È sciuppa la la o Carnavà
U VOCERU DI CARNAVALE
O ziu poveru, o ziu poveru
O ziu poveru carnavale
T’ai manghjatu la salciccia
Ci ai lasciatu u baccalà
O signore, o signore
O signore o Carnavà
Ti vulemu fà onore
Ti vulemu ringrazià
Ma sì cottu, ma sì cottu
Ma sì cottu o Carnavà
Pienghjeremu à ribocchi
L’alegria chì si ne và.