Da scimulì
 
Scrivi, sguassa, parla, zittu, ampara a lezziò !
Balla, corri, salta, nota è ghjoca à ballò !
 
Manghja, bei, posa, arrizzati subit’avà !
Veni, vai è ghjetta tuttu quallà !
 
Vò à dritta à manca quaghjò quassù
Avà sò stancu ùn ne possu più
Vogliu in pace o Principè
Ohimè aiutaci per piacè
 
Lava denti, mani è faccia dinù
Piglia a duscia è ch’ùn ti senti più
 
Spoglia, veste, metti u pisgiamà
Sveglia ti, dormi è in stanza avà
 
Vò à dritta à manca quaghjò quassù
Avà sò stancu ùn ne possu più
Vogliu in pace o Principè
Ohimè aiutaci per piacè
 
                                                                 Daniel Delorme

 

 
U principellu hè venutu pianu pianu,
Incù a so sciarpa è u sguardu luntanu,
Mirendu u mare da a piazza San Niculà,
Dumandò à l’onde di ride è di ballà.
 
 
Ripigliu
E stelle di Bastia parlanu à i zitelli,
Ma i grandi ùn sentenu ch’è i so quatrini belli,
U core vede ciò chì l’ochji ùn sanu dì,
Eiu vogliu stà zitellu tutta a vita cusì.
 
 
U pulizzeru  dice: “Ci vole un decretu !”
U prufissore conta i culombi per sughjettu,
A turista si face un altru selfie à stracciu,
È u caffitteru vende ancu u lume bastiacciu!
 
 
Ripigliu :
E stelle di Bastia parlanu à i zitelli,
Ma i grandi ùn capiscenu i sogni belli,
U ventu li tocca, a luce li porta via,
U core hè u lume di a puesia.
 
 
“Ma cumu si face,” dice Tittò cun dulore,
“Ch’elli ùn capiscenu mai u core ?”
È u principellu risponde cun serenità :
“I zitelli sò u lume di l’umanità.”
 
 
Ripigliu
E stelle di Bastia ridenu in celu,
Chì pianu pianu sparisce u principellu
È i zitelli cantanu davantà tutta sta clicca:
« U core vede ciò chì l’ochju ùn vede micca »
 
                        Scola Subissi
 

Mi disegnasti à mezu à e stelle
Nant’à sta pianettuccia persa
Incù le rosule e più belle
In un stranu sognu spapersu
M’insegnasti u to ideale:
Ùn si pò vede l’essenziale
 
Ripigliu :
Ti mandu sti qualchì filaru
Trà a rena è u celu d’oru
Per ch’ella splendi la to fiara
U mo viaghju, un tesoru
Chè rigalasti à l’umanità
Ai trovu l’eternità
 
O quantu n’aghju vistu omi
Rè , vanitosi, o briagoni
Dicisti d’ùn ghjudicà
Di guardà solu cù u core
Eppo di lasciami purtà
Di crede in lu veru amore
 
Ghjunse po l’ultimu viaghju
È Tandu mi festi capì
Hè una granella ogni addiu
Ùn ci vole à teme di smarì
Un bellu fiore si pò svanì
Serà per megliu rifiurì
 
        Scola Subissi

Un zitellucciu fideghja l’orizonte
S’imagineghja aldilà di i monti
S’ellu pudia parte, scopre u mondu
Alluntanà si da u so circondu
 
Ripigliu :
U so viaghju, sarebbe senza fine
Stonda beata, ùn averà confine
Sott’à a Luna d’argentu, u purterà luntanu
Versu dumane, apperlamanu
 
Quallà l’aspetteranu d’altre tarre
Cità accarezzate da lu sole
È tandu francherà l’alte sarre
Tale un acellu stenderà lu so volu
 
Ripigliu 
 
Un ghjornu scuprerà tante belle cuntrate
Diana u guiderà , spampillente fanale
In u so core per sempre e so tarre amate
Anderà , serenu, sparghjerà e so ale…