subissi

A SCOLA SUBISSI IN EUSKADI


Rédigé le Lundi 24 Octobre 2016 à 16:20 | Lu 414 commentaire(s)


Ogni annu, e scole IKASTOLAS di Navarra in u Paese Bascu urganiseghjanu  una festa chjamata « Nafarroa Oinez » per prumove a lingua basca è aiutà di manera finanziariu e scole Ikastolas. Quist'annu ci tuccava à aiutà e scole di LODOSA è di VIANA. 
Sta festa si face sempre a terza dumenica d’ottobre. Quist’annu ci sò stati 100 000 personne prisenti. 
Per st’occasione hè statu  prisentatu u prughjettu « TXIKIAK HANDI» (chì vole dì « I CHJUCHI MAIÒ »). Si tratta d’un manifestu chì rivendicheghja a grandezza di e lingue minuritarie è chì hà per scopu di creà leie trà di elle.
TXIKIAK HANDI sulliciteghja a firma di ghjente è d’entità chì sustegnanu a nurmalisazione di ste lingue di manera à prutege le è à rivendicà a so legalità è  u so dirittu à esse aduprate ind’è tutti i settori di a vita suciale.
Eccu a leia per vere in  quantu  lingue hè statu firmatu stu manifestu : 


U scopu di quist’annu era di svilluppà a reta di e lingue minuritarie digià creata sullicitendu d’altri paesi di u mondu per arrigistrà a canzona « LINGUA NAVARRORUM », innu à a lingua basca. Ghjè cusì chè a canzona hè stata cantata in quechua, valenzianu, cachouche, lingua di i segni è ben intese in corsu.
 
U prugettu hè statu prupostu à tutti i circondi di u Cismonte.
Ghjè a  nostra scola chì hè stata scelta è ci simu messi  subbitu à u travagliu.
Hè stata arregistrata a canzone in lingua corsa.
Eccu u clippu finitu di a canzona cù tutte e lingue :


Sò stati  tradutti in lingua corsa u Manifestu di i Picculi Maiò è un filmettu nant’à e scole bislingue di Navarra.
Quist'annu, ghjè a Corsica chì era à l'unore è dunque, Dumenica  u 16 d’ottobre di u 2016,  a scola era riprisentata per firmà u manifestu. 
Dumenicu Delporto era accumpagnatu da a nostra cunsigliera pedagogica Nadia Lucchetti. 

Eccu u filmu di a firma :



Eccu u manifestu firmatu : 


Teniamu à felicità l'urganisatore è i 1 500 benevulenti chì anu permessu stu scontru è chì anu fattu chè sta festa hè stata maravigliosa.
Tenimu dinù à ringrazià di core tutti quelli chì ci anu accoltu è più particularmente à Lali, Aritz è Unai.














Scola Subissi | 23/02/2024 | 141 vues
Direction Subissi | 17/10/2023 | 95 vues
Direction Subissi | 05/07/2023 | 386 vues
Scola Subissi | 03/07/2023 | 238 vues
Scola Subissi | 14/06/2023 | 186 vues
Scola Subissi | 27/03/2023 | 188 vues
Direction Subissi | 21/01/2023 | 197 vues
Direction Subissi | 21/10/2022 | 203 vues
Direction Subissi | 14/10/2022 | 209 vues
Direction Subissi | 22/06/2022 | 516 vues
Direction Subissi | 15/06/2022 | 789 vues
Direction Subissi | 21/05/2022 | 405 vues
Scola Subissi | 18/02/2022 | 235 vues
Scola Subissi | 11/02/2022 | 244 vues
Ritratti
IMG_3740
loretu 1 197
IMG_4393
20180213_142601
cm1 sant'andria 2017
20180412_133428
IMG_4248
20191209_102121a