Mercuri, u 30 di marzu, era urganizata a prima ghjustra di ghjochi di sucetà à l’università di Corsica.
Qualchi tempi fà a scola avia ricevutu una cascietta cù ghjochi inventati da l’università. Nentru, ci sò cinque ghjochi è ghjè per quessa ch’ella hè stata chjamata « a cascietta di i 5 capatoghji ».
Ci si pò truvà «a capretta scrianzata », « à china sapè », « e sette chjappelle », « u chjappa rughjoni » è « u cirneatrust ».
In scola avemu ghjucatu à « e sette chjappelle ». Ghjè un ghjocu di carte cù 7 rughjoni ( u Boziu, i dui Sorru, u Fium’Orbu, a Gravona, u Nebbiu, u Niolu, u Prunelli) chì anu ognunu 7 edifizi (a casa, u fornu, a funtana, a ghjesgia, u mulinu o u fragnu, u munumentu à i morti è a piazza). Ci tocca à furmà u più di rughjoni pussibule cù i so 7 edifizi per vince.
Una prima selezione s’hè fatta per designà i trè zitelli ch’avianu à riprisentà a scola. Anu vintu Lucia è Enzo di u CM2 è Massine di u CM1.
Si sò ritruvati, dunque, cù altre scole di l’isula in Corti (E Saline d’Aiacciu, Pruprià, Cardu, Furiani, Santu Petru di Tenda, Pinetu Marana è Moriani). Ma ci eranu dinù culleghjente, liceani è studienti di l’università chì si scuntravanu ind’è altri ghjochi.
Per « e sette chjappelle », ci eranu 6 tavulini di 4 ghjucadori. Quellu chì avia u più di rughjoni à u so tavulinu era qualificatu per a finale. Lucia è Enzo facianu parte di i finalisti.
In finale, Lucia hà vintu cù trè rughjoni.
Ci hè statu dinù un spettaculu prisentatu da u gruppu di cantadori « a Pasqualina » è da i ballarini di u STAPS.
Era una magnifica ghjurnata !
Sè vo vulete vere i ritratti picchjate puru nant'à a leia di l'albomu:
http://www.wmaker.net/subissi/photos/Ghjustra-a-l-universita-marzu-di-u-2016_ga232407.html
Qualchi tempi fà a scola avia ricevutu una cascietta cù ghjochi inventati da l’università. Nentru, ci sò cinque ghjochi è ghjè per quessa ch’ella hè stata chjamata « a cascietta di i 5 capatoghji ».
Ci si pò truvà «a capretta scrianzata », « à china sapè », « e sette chjappelle », « u chjappa rughjoni » è « u cirneatrust ».
In scola avemu ghjucatu à « e sette chjappelle ». Ghjè un ghjocu di carte cù 7 rughjoni ( u Boziu, i dui Sorru, u Fium’Orbu, a Gravona, u Nebbiu, u Niolu, u Prunelli) chì anu ognunu 7 edifizi (a casa, u fornu, a funtana, a ghjesgia, u mulinu o u fragnu, u munumentu à i morti è a piazza). Ci tocca à furmà u più di rughjoni pussibule cù i so 7 edifizi per vince.
Una prima selezione s’hè fatta per designà i trè zitelli ch’avianu à riprisentà a scola. Anu vintu Lucia è Enzo di u CM2 è Massine di u CM1.
Si sò ritruvati, dunque, cù altre scole di l’isula in Corti (E Saline d’Aiacciu, Pruprià, Cardu, Furiani, Santu Petru di Tenda, Pinetu Marana è Moriani). Ma ci eranu dinù culleghjente, liceani è studienti di l’università chì si scuntravanu ind’è altri ghjochi.
Per « e sette chjappelle », ci eranu 6 tavulini di 4 ghjucadori. Quellu chì avia u più di rughjoni à u so tavulinu era qualificatu per a finale. Lucia è Enzo facianu parte di i finalisti.
In finale, Lucia hà vintu cù trè rughjoni.
Ci hè statu dinù un spettaculu prisentatu da u gruppu di cantadori « a Pasqualina » è da i ballarini di u STAPS.
Era una magnifica ghjurnata !
Sè vo vulete vere i ritratti picchjate puru nant'à a leia di l'albomu:
http://www.wmaker.net/subissi/photos/Ghjustra-a-l-universita-marzu-di-u-2016_ga232407.html
