A scola di u CE2 hà da participà quist’annu à u prugettu in gira à a cità di Bastia. Anu da andà una volta u mese à u centru d’immerzione « A citadella » è travaglià cun u maestru Jean-Yves.
U 9 di nuvembre era a prima ghjurnata. Dopu appena di storia, anu travagliatu nantu à u Vechju Portu.
A custruzzione di a cità di Bastia
Nanzu a cità era Cardu è u vechju portu era u portu di Cardu chì si chjamava Portu Cardu. Stu locu si chjamava Terra Vechja.
Ma à u :medeviu (1284) i genovesi sò venuti in Corsica è si la sò pigliata. Dunque u guvernatore genovese hà custruitu un turione cun i so muraglioni… : una bastiglia. Ghjè sta parola chì hà dattu u nome di Bastia. Stu locu si chjamava Terra Nova.
U Vechju Portu
A chjesa San Ghjuvan Battista hè a chjesa à più grande di Corsica. A so custruzzione hà principiata in 1636 è s’hè compia in 1666.
Ha una particularità : hà dui campanili. Quellu di a manca hè u primu, hè statu custruitu in 1813 è quellu di dritta, in 1864.
Ci sò battelli à vela, battelli à mutore è schifi (battellu tradiziunale).
Si pò spassighjà nantu à i moli.
Ci sò i piscadori chì pescanu cun e rete (cun natte è piombi) o e piscaghjole.
