A scola di u CE2 participeghja quist’annu à u prugettu in gira à a cità di Bastia. L’11 di ghjennaghju, per a siconda surtita, sò andati à fà una visita di i muraglioni di a citadella. Sti lochi si chjamanu Terra Nova.
I muraglioni facenu u giru di a Citadella : partenu da u vechju portu, seguitanu u mare è vanu sin’à Piazza d’Arme.
Sò stati custruiti per difende a ghjente chì campava in Citadella quandu c’era una battaglia.
Nantu à i muraglioni si pò vede :
I muraglioni facenu u giru di a Citadella : partenu da u vechju portu, seguitanu u mare è vanu sin’à Piazza d’Arme.
Sò stati custruiti per difende a ghjente chì campava in Citadella quandu c’era una battaglia.
Nantu à i muraglioni si pò vede :
- Archere : purtelli fini fini per pudè fà passà u fucile senza esse vistu di i nemichi ;
- Bocca à cannoni : purtelli più grandi per pudè fà passà i cannoni ;
- Guardiola : sò piazzate à l'anguli di i muraglioni pè curà.
- .
Da i muraglioni si pò vede a muntagna, a serra di u Pignu (958m), è u mare cù l’isule di l’arcipelagu tuscanu (Capraia, Elba, Monte Cristu, Pianosa).
In Citadella ci hè : a prigiò (nanzu ghjera u cunventu Santa Chjara), a pulverera, a chjesa Santa Maria (1604-1620). Ghjè una chjesa barocca : nentru ci si pò vede statule, pitture, altari è un organu. Da ogni parte di l’organu ci sò una testa mora chì riprisenta a Corsica è una torra chì ripresenta Bastia.
