A scola di u CE2 participeghja quist’annu à u prugettu in gira à a cità di Bastia. U 15 d’aprile, sò andati à fà una visita di trè quartieri di Bastia : carrughju dirittu, u mercà è a piazza Santu Niculà.
Si sò interessati à l’architettura di sti quartieri.
 
Carrughju dirittu hè un quartiere in giru à u vechju portu. Sti lochi si trovanu in Terra Vechja. Ci si trovanu quì e più vechje case di Bastia. Sò fatte di petre è di mattone. I pigliavanu cumu elli venianu, senza sceglieli perchè à a fine a case era sciarbata. E petre ùn si vidianu più sottu à u sciarbu fattu di carcina.Si ponu vede dinò loghje.
Parechje case tenenu sempre, nantu à e so facciate, nichje cù statule nentru : ghjerà per prutegge a casa è a famiglia.
E finestre di ste case ùn sò micca tutte pare perchè sò state fatte in parechji tempi.  A st’epiche, l’unita di misura era un palmu (25cm a l’ingrossu).
Certe famiglie ricche mettianu stemme di a famiglia nantu à u soprapporta.
I purtoni di e case sò chjuchi è bughji.Anu vistu un purtone cù un cartucciu. Nantu ci hè scrittu un nome è u cugnome di u prupietariu (Micheletto Sisco), a data di custruzione (1628) è una scrizzione in latinu chì era quì per prutegge a casa. Vicinu à certe finestre di sta casa, si ponu vede nichje urinale, per metteci u catinu.


 
Per andà da u carrughju dirittu à u mercà si pò vede a funtana nova « funtana nò » di u delfinu. Hè stata fatta in 1787. Nantu si pò vede un pesciu chì ùn s’assumiglia micca à un delfinu perchè ùn avianu micca libri cù ritratti nantu nè mancu internet è ùn avianu mai vistu delfini.

 
U mercà : in u mercatu si vende è si cumpra : legumi, frutti, furmagli, carne, mele, …
Ci hè a chjesa di San Ghjuvà cù i so dui campanili.In giru à a piazza di u mercà ci sò usterie è casamenti.Ci hè ancu l’anziana merria.
 
 

A piazza Santu Niculau :
Si chjama cusì perchè nanzu ci era l’uspidale per i puvari e nentru ci era a capella Santu Niculau. Quandu anu distruttu l’ospidale anu fattu una piazza è l’anu chjamatu « a piazza Santu Niculau ».
Si  pò vede a statula di Napuleò. Ghjè vestutu cumu un imperatore Rumanu per riprisentà a so forza è a so putenza.
I casamenti in giru à a piazza ùn sò micca stati fatti à l’epica ghjenuvese ma à l’epica francese. Un hè micca listessa architettura chè quella di à citadella.  A simetria hè perfetta. Quì, i purtoni di e case sò grande è luminosi.