5.A Machja - MASTER (24_48).wav (36.11 Mo)
U nostru muchju fiuritu
Biancu è malbu culuritu
Hè una pianta sgarbina
Cù e fronde lungarine
Dopu à u focu spunterà
Pocu acqua bisognerà
A machja ci vole à salvà
Splende dapoi tempi fà
A machja ci vole à salvà
Tutti inseme l’avemu da fà
Cresce a murza famosa
In terra petricaghjosa
Fiori gialli per isse strade
Da u sole prufumati
Muscu pudente bellezza
Di a machja a richezza
A machja ci vole à salvà
Splende dapoi tempi fà
A machja ci vole à salvà
Tutti inseme l’avemu da fà
Luminellu misteriosu
Per un mazzeru umbrosu
U tirlu illuminatu
Da i fiori accaspati
Chjama l’ape è l’insetti
Face i meli perfetti
A machja ci vole à salvà
Splende dapoi tempi fà
A machja ci vole à salvà
Tutti inseme l’avemu da fà
A scopa hè un arburettu
Verdighjante è maladettu
Disgraziatu è à l’affannu
Ùn pò micca dà u granu
Per fà pippe è spazzole
Frasche è ceppi ci ne vole
A machja ci vole à salvà
Splende dapoi tempi fà
A machja ci vole à salvà
Tutti inseme l’avemu da fà
