CANZONA A LNGUA DI MOLIERE

                                        A LINGUA DI MOLIERE
 
Un annu si ne và, un altru s’avvicina
Femu a nostra cumedia cù dui alessandrini
Ghjuchemu è recitemu à usu Ghjambattista
Casata : Poquelin, è pseudò pe’ l’Artistu
Scappinu, untu è fine senz’esse Balagninu,
Rancicone chì ùn hè mancu Capicursinu,
Diafoirus, o peccatu ! ùn studiò medicina
À l’Università di Corti, u puvarinu !
Serà di Canavaghja, Argan, o di Bastia ?
Nè d’unu nè di l’altra, cusì stunante sia.
Dom Juan, ne parlemu ? Sia cum’ella sia,
E feremu nustrale e rime, a puesia
A lingua di Molière un attimu serà
U Corsu, chì à l’omu omaggiu renderà
È lu versu è l’estru saperà rispettà
Pichjate li trè colpi è tutti in scena avà !
 
                   Scola Subissi