CANZONA DI U RITORNU

Canzona di u ritornu
Da Cintu maestosu
À lu mare luminosu
Da i monti nebbiosi
Sinu à l’onde generose
 
Avemu caminatu
Vucatu è navicatu
Fiume emu varcatu
Desertu calpighjatu
 
Ripigliu :      Dopu avè giratu
                       A  Corsica Suprana
                       Femuci una ballata
                       In li Perelli d’Alisgiani
 
Ghjente emu scuntratu
Maraviglie cuntimplatu
Paisaggi fighjatu
Culuriti è prufumati
 
Da Cintu maestosu
À lu mare luminosu
Da i monti nebbiosi
Sinu à l’onde generose
 
Ripigliu