Cialamella
Serà fatta di canna è d'un pezzu di fica
Di voi altri flaiuti la nuvell'amica
Cinque o sei tufoni pè fà la meludia
À tutti li pastori da Niolu à lu Sia.
È pè prutegge l'agnelli
O fà ballà sott'à e stelle
Ti dò vita o cialamella
Sonna sonna o cialamella
Pò la sera venuta incù le pecurelle
M' impresterà la musa e so note più belle
Li daraghju lu fiatu, nascerà la so voce
Chì sì puderà sente aldilà di e foce
E pè prutegge l'agnelli
O fà ballà sott'à e stelle
Ti dò vita o cialamella
Sonna sonna o cialamella
