COMMEDIA DELL'ARTE

Commedia dell’arte

Revoluzione teatrale
Per u publicu reale.
Senza scritti sò l’attori
Ma cù lazzi vincitori.
Sempre vive e so macagne,
Facenu ride e calcagne.
 
Di sedeci u seculu
D’italia u to veculu
D’impruvisate ci pare
Di generu populare
Di vulintà sempre à sparte
Di cumedia u to arte
 
Pantalone o Duttore,
U maestru hè furore.
Scappinu o anc’Arlechinu,
Servu si, micca catinu.
Cù e mascare in visu
Sempre sò à l’impruvisu.
 
Di sedeci u seculu
D’italia u to veculu
D’impruvisate ci pare
Di generu populare
Di vulintà sempre à sparte
Di cumedia u to arte

Lelio o Flavio cù ‘Sabella,
Storia amore cusì bella.
Capitanu o Matamore,
U sullatu cù terrore.
Cù li gesti è li custumi,
Ognunu hè messu in lumi.
 
Di sedeci u seculu
D’italia u to veculu
D’impruvisate ci pare
Di generu populare
Di vulintà sempre à sparte
Di cumedia u to arte