E VACANZE DI BARBAROSSA

E vacanze di Barbarossa

Barbarossa ùn hà più fiatu
U tippu hè addisperatu
Jolly Roger hè sbialatu
Fiaccu, muntu, trafalatu
A testa d’u Moru omancu
Ùn hà mai l’aria stanca

Decisi u capitanu
È a bandera si ne vanu
À riscaldà e so osse
Nant’à e piaghje di u Capicorsu
Sò crechji, n’anu abbastanza
Anu bisognu di vacanze

Un sgangaru di battellu
Un equipagiu, oimella !
Oghje per esse piratu
Ci vole à esse malatu
U mistieru ùn hè più quellu
Hè detta, alzanu e vele

I so omi scialanguati
Anch’elli si sò imbarcati
Per Kalliste a più bella
Li ferà prò ancu à elli
È a squatra, ventu in poppa
Sunnieghja di lonzu è di coppa

Navicheghjanu trà l’onde
S’avvicinanu e sponde
Di a terra tantu bramata
Maraviglia assulanata
Ma in tempi genuvesi
L’affari so più chè in francese

Cascanu in piena battaglia
Ancu qui ci hè u travagliu
À l’assaltu, : “Nous voilà !”
U riposu aspetterà
Di u turistu o di u piratu
Qual’hè u più castigatu ?

Scola Subissi