I SETTE VAGABONDI

I sette vagabondi

Tramuntana, lestru lestru
Di lu Nordu sò u maestru.
Viulente, seccu è fretu
A mo stagione hè l’inguernu.
Volt’ è gira, gira tondu
Tutti i sette vagabondi
 
Grecale, sò affanante
Vengu di Nordu-levante.
D’auturnu è di veranu
Timpeste in u Mediterraniu.
Volt’ è gira, gira tondu,
Tutti i sette vagabondi.
 
Levante, coste urientale
Vò françà cime cintrale
Da vaghjime à inguernu
Portu nulli ab eternu
Volt’ è gira, gira tondu,
Tutti i sette vagabondi.
 
Sciroccu, di lu meziornu
Caldu , umidu à ghjornu.
Cù mè e fulene rosse
Di lu Saharà sò mosse.
Volt’ è gira, gira tondu,
Tutti i sette vagabondi.
 
Libecciu, sò ‘ ogni locu
Sbuffuleghju à ogni pocu.
Sò di meziornu punente
Soffiu accanitamente.
Volt’ è gira, gira tondu,
Tutti i sette vagabondi.
 
Punente, sò ventu caldu
Possu esse ancu ribaldu
Cù Libecciu simu picci
Ci accuppiemu scappaticci
Volt’ è gira, gira tondu,
Tutti i sette vagabondi.
 
Maestrale, sò pruvenzale
D’inguernu d’acqua lustrale.
D’estate seccu è putente
In Balagna abitualmente.
Volt’ è gira, gira tondu,
Tutti i sette vagabondi. 

      Scola Subissi