I TRÈ COLPI

I trè colpi
 
Travestuti, mascherati avemu mille visi
Burghese gentilomu, servu o duttore
Vi vulemu fà ride, vede i vostri surrisi
Simu li cumedienti , circhemu u vostru amore
 
Ci tocca ogni sera à invadisce a scena
Chì l’avemu vulsuta quella vita d’artisti
È femu per u megliu puru stanchi o tristi
Simu li cumedienti , entrimu in l’arena
 
Pan pan pan  tale batticore
Pan pan pan  ribombanu i  3 colpi
Pan pan pan  u calmu nanz’à u furore
Pan pan pan  ribombanu i 3 colpi
 
Campemu per sse stonde ,eccu ciò chì ci move
Sciaccamanate , mughji ,mandate è ci cummove
Calatu lu tendone , ùn finisce lu viaghju
Seremu cumedienti, sin’à l’ultimu fiatu
 
Pan pan pan  tale un batticore
Pan pan pan  ribombanu i  3 colpi
Pan pan pan  u calmu nanz’à u furore
Pan pan pan  ribombanu i 3 colpi