IN MUNTAGNA

 
In muntagna i zitelli
Sò andati à spassighjà
In li prati verdicanti
O cusì bè ci si stà
U muvrone da luntanu
Vede la nebbia falà
Pagna copre u circondu
S’ingutuppa tuttu avà Cumu anu da fà i zitelli
Cumu anu da fà à vultà
Cumu anu da fà i zitelli
Ch’ùn sanu più induve andà.
 
Aiutatu da l’altagna
Chì l’ochji sà appinzà
Muvrone primu di di fila
Mostra a strada à piglià
I zitelli apperlamanu
Sò felici di truvà
A surghjente è lu stazzile
Di lu pastore Anton’ Pà.
 
A ci anu fatta i zitelli
A ci anu fatta à vultà
È lu muvrone è l’altagna
Sò li so amichi avà.
L’animali in la natura ci ponu sempre aiutà.