QUATTRU ESSENZE

Quattru  essenze

Per un sodu fasciame
Da sfidà e timpeste
Per un forte custame
Quant’è mille fureste
Cume mè, ùn ci n’hè
Sò a leccia, bella è putente

Per maghji arriti è fieri
Cum’altieri guerrieri
Da abbraccià le vele
É seguità e stelle
Sò eiu chì vi ci vole
Sò u pinu, forte è nobile

Da fà filà a carena
In a sciuma serena
Da sfiurulfà i mari
Fà vugà marinari
Fidate vi à u mo legnu
Sò u faiu, resistente è degnu

Per scultà una pruva
Chì luce sott’à a Luna
È prutege u vascellu
Di l’ira di u celu
Aduprate mi puru
Sò u castagnu, bellu è sicuru

4 essenze addunite
Una nave , centu vite
4 essenze addunite
Una nave , mille vie…