subissi

SPASSIGHJATA IN AGLIANI CÙ I CE1 2021


Rédigé le Mardi 8 Juin 2021 à 08:27 | Lu 386 commentaire(s)


L’elevi di u CE1  di a scola René Subissi anu scupertu u spaziu vicinu à a scola : anu fattu una spassighjata in Agliani.
Eranu accumpagnati da e maestre, da i parenti è da Francè Tomasi, guida di muntagna.
 
Prima di parte ùn ci vole micca à scurdassi di piglià un saccu cù da beie è da manghjà. In lingua corsa ci sò parechje parolle per sti ripasti :
-U ripastu chì si face quandu u sole si pesa si chjama u spuntinu.
- A meziornu femu a merendella.
-U rispastu di u dopu meziornu si chjama u vesperinu perchè si facia dopu a messa di e vespere.
 
A prima parte di a nostra spassighjata, avemu viaghjatu à pianu, era faciule ! Dopu, simu cullati una stonda eppò avemu ancu attippatu chì c’eranu i scoglii.
In fine, per u ritornu, simu falati quasi tuttu u viaghju.
 
Agliani si stende da a scola sin’à a muntagna. Tempi fà, ùn ci eranu micca case, scola, cummercii. Eranu campi d’alivi, di vigne, di biade è orti. Cù l’uva si facia  un più famosu vinu di u rughjone. Cù l’alive si facia oliu d’alive.
 
Daretu à a scola ci hè una furesta di suvera. Ghjè un arburu chì si trova solu in u Mediterraniu. Hà una particularità : ùn brusgia micca. Hà una seconda pela chì u prutegge. Cù a so scorza (u suveru) si facenu tappi per e buttiglie di vinu.
Ùn ci hè quasi più chè suvere perchè l’altre spezie d’arburi sò smarite dopu à un focu di i mulizzi sopra à Bastia (in u 1968). A suvera pruduce 4 volte di più ossigene chè l’altri alburi.
 
Sopra à a cullina, ci hè un anzianu paese. Si chjama Curbaghja. Hè statu abandunnatu à u medievu dopu à un’epidemia di pesta nera. Si trova in faccia à u paese di Furiani. Oghje ùn fermanu più chè case arruvinate. Si ponu vede vistiche d’una antica casa torra. A so funzione era di prutege u paese : nantu à a so facciata si vedenu sempre piumbatoghje è archere. À u filu di i seculi hè stata trasfurmata :  piani sò stati cacciati. Ghjè una famiglia d’agricultori chì l’hà occupata è hà fattu furtuna seminendu granu.
 
 













Scola Subissi | 23/02/2024 | 155 vues
Direction Subissi | 17/10/2023 | 96 vues
Direction Subissi | 05/07/2023 | 392 vues
Scola Subissi | 03/07/2023 | 242 vues
Scola Subissi | 14/06/2023 | 186 vues
Scola Subissi | 27/03/2023 | 188 vues
Direction Subissi | 21/01/2023 | 198 vues
Direction Subissi | 21/10/2022 | 205 vues
Direction Subissi | 14/10/2022 | 210 vues
Direction Subissi | 22/06/2022 | 520 vues
Direction Subissi | 15/06/2022 | 800 vues
Direction Subissi | 21/05/2022 | 408 vues
Scola Subissi | 18/02/2022 | 238 vues
Scola Subissi | 11/02/2022 | 246 vues
Ritratti
20190409_123909
20151203_185647
20160311_100327
20170331_151302
IMG_7746
Resized_20180607_103015
20190207_093815
IMG_20201106_130813