FOLE IMPAZZITE

Fole impazzite
Avà in bibliuteca
Ùn ci vulemu micca stà
Preferimu andà è cantà
Tutti cù Francine Massià
 
Leghje, scrive è amparà
Studià eppo travaglià
Nò, ùn vale micca  a pena
Ùn ci piace mancu appena
 
Ci piace di più à ghjucà
Fà i scemi, corre è saltà
I libri l’avemu da straccià
Strappà, imbulighjà, ghjittà
 
Fole tutte imbulighjate
Principesse intrecciate
Cavalieru don Chisciotte
Affacca cù e so botte
 
Cavalieru della Mancia
Affacca cù a so lancia
Vole salvà Dulcinea
Per ellu hè una dea
 
Principesse sò salvate
Da i principi è fate
E fole sò assestate
Finite sò e strufate.