Golu

GOLU

Nasce in l’alta foce urfanella
Un fiumicellu azuru è ricamatu
Dicenu chè una stella
Una sera hà lacrimatu
 
Golu Golu fiume rè
Casaluna hè tutt’amore
Golu Golu cori cori
Ascu ti rende onore
 
Un sassu à l’altru sassu sussurava
Un tassu à l’altru tassu dava ventu
È a stella tantu bassa
Dava lacrime d’argentu

Golu Golu fiume rè
Casaluna hè tutt’amore
Golu Golu cori cori
Ascu ti rende onore