STANTARE

Stantare
 
In Palaghju ci stà
Un’armata di petra
Chì ci pare curà
A cala di l’Avena
 
R : Stantare sò
Petre sculpite
Stantare sò
È sempre arritte
 
Paladini , guardiani
D’un campu misteriosu
Sullati infillarati
Chì ci serà d’ascosu ?
 
R : Stantare sò
Petre sculpite
Stantare sò
È sempre arritte
 
Petre longhe, colonne
Antiche testimonie
Sò a nostra memoria
Quella di a preistoria
 
R : Stantare sò
Petre sculpite
Stantare sò
È sempre arritte