10.Trasmette - MASTER (24_48).wav (48.86 Mo)
Sottu à un celu scuru è fumicosu
Da u so mondu cusì misteriosu
Sta sera orche, streghe anu da vultà
Fole, lighjende hè ora d’ascultà !
Veni cù mè , intornu à u fucone
Veni cù mè, veni à cuntà, Babbone !
Veni cù mè , veni à pusà
Veni cù mè, fammi sunnià
Sò stonde di gioia tantu bramate
Emu da ritruvà mazzeri o fate
Ci seranu forse strani animali
Ùn possu avè più belli rigali !
Veni cù mè , intornu à u fucone
Veni cù mè, veni à cuntà, Babbone !
Veni cù mè , veni à pusà
Veni cù mè, fammi sunnià
Ma a Falcina ùn aghju pussutu parà
Ci hè duie stelle in u mo celu à spampillà
Cume li mio cari caccari, eiu cunteraghju
Cume li mio cari caccari, trasmetteraghju
Veni cù mè , intornu à u fucone
Veni o figliolu hà da cuntà Babbone !
Veni cù mè , veni à pusà
Veni cù mè, veni à sunnià
